په بلخ ولایت کې د ۲۶۰ کورنیو ماشومانو ته د زده کړې مناسبه زمینه برابریږي.
د کلیو بيارغونې او پراختیا وزارت، د ولسي تړون ملي پروګرام د اقرأ پروژې تر سیوري لاندې د بلخ ولایت د چهاربولک ولسوالۍ اړوند د قورچي وطني کلي کې د ۴.۲ میلیونه افغانیو په ارزښت د نجونو او هلکانو لپاره د یوه ښوونځي د جوړیدو چارې ۷۰ سلنه پرمخ تللې دي.
دا ښوونځی ۴ درسي خونې، ۳ تشنابونه، د څښاک اوبو یوه څاه او۱۹۰ متره محافظوي دیوال لري.
د دې ښوونځي په جوړیدو سره به تخنیکي او نا تخنیکي کاریګرو لپاره لسګونه کاري ورځې رامنځته شي اود ۲۶۰ کورنیو ماشومان به د زده کړې له مناسب چاپېریال څخه برخمن شي. په بلخ ولایت کې ۱۴۹ ښوونځي پلان شوي او د ۱۰۰ ښوونځیو کار بشپړ شوی دی.
