په بدخشان کې د ۶.۲۹ کیلومتره اوبه خورکانال د جوړولو کار روان دی
داغاخان بنسټ له لوري د کلیوبیارغونې او پراختیا وزارت د سیمه ییزو پروګرامونو دهمغږۍ دفتر تر څار لاندې او KFW په مالي ملاتړ د بدخشان ولایت په جرم ولسوالۍ کې ۶.۲۹ کیلومتره کرنیز کانال د جوړولو کار ۶۰ سلنه مخکې تللی دی.
ددې پروژې په تطبیق سره به د سیمې ۷۳ کسانو ته د دوامداره کار زمینه برابره شي او ۱۱۸۷۹ کسان به یې له ګټو برخمن شي.
باید ووایو چې دا کانال به په ۱۲ کلیو کې ۲۲۴۵ جریبه کرنیزه ځمکه د اوبه خور تر منظم پوښښ لاندې راولي، او کروندو ته پر لاره به د اوبو د ضایع کیدو مخنه هم ونیول شي.
