د کلیو د بیارغونې او پراختیا وزارت سرپرست وزیر د بدخشان ولایت د واخان ولسوالۍ له ولسونو سره وکتل
د کلیو د بیارغونې او پراختیا وزارت سرپرست وزیر الحاج ملا محمد یونس اخند زاده د یو کاري سفر په ترڅ کې د بدخشان ولایت د واخان ولسوالۍ د مرکز خندود او بروغیل سیمې له ولسونو سره لیدنه وکړه.
په یاده لیدنه کې محترم وزير صاحب د ولسونو ستونزې او غوښتنې په غور واوريدې او ډاډ يې ورکړ چې اسلامې امارت واخان ولسوالۍ ته ځانګړي پاملرنه کوي او ستاسو کوم کارونه چې زموږ مربوط وي هغه به موږ وکړو او کوم کارونه چي د نورو وزارتونو مربوط وي هغه به د اړوندو وزارتونو له مسولینو سره ستاسو مشکلات شریک کړو ترڅو ستاسې ستونزې په پوره معنی هوارې شي.
د نوموړو سیمو ولسونو د الحاج ملا محمد یونس اخندزاده له راتګ څخه خوښې څرګنده کړه او ويې ویل
چې واخان ولسوالۍ ته د څلویښت کلونو راپدیخوا حتی یو مامور لا د ستونزو د حل په موخه تشریف ندی راوړی او زیاته يې کړه چې لرې پرتو سیمو ته ستاسو سفر د دې ښکارندوی دی چې تاسې خلکو ته پاملرنه لرئ او د لرې پرتو سیمو خلک مو هیر کړي نه دي.
