د کلیو د بیارغونې او پراختیا وزارت سرپرست وزیر د بدخشان ولایت د بهارک ولسوالۍ له مخورو او سپین ږیرو سره وکتل
د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده بدخشان ولایت ته د يو کاري سفر په ترڅ کې د یاد ولایت د بهارک ولسوالۍ له مخورو او سپین ږیرو سره لیدنه وکړه.
د یادې ولسوالۍ مخورو وزیر صاحب ته ښه راغلاست ووایه او د وزیر صاحب له راتګ څخه یه خوښې څرګنده کړه او ويې ویل چې مخکې له فتحي د تیرې ادارې له وزیرانو سره لیدل ډیر ګران وو خو الحمدلله اوس د اسلامې امارت له راتګ وروسته زمونږ دغه ستونزې هوارې شوې اوکولای شو چې خپلې ستونزې په اسانۍ سره د اسلامي امارت له مسؤلينو سره شریکې کړو.
د لیدنې په لړ کې ولسونو خپلې شته ستونزې له محترم وزیر صاحب سره شریکې کړې.
وزیر صاحب د نوموړې ولسوالۍ د سپین ږیرو ستونزې په غور واوریدې او ډاډ يه ورکړ چې مونږ به خپلو امکاناتو ته په کتلو سره ستاسو ستونزو ته رسیدنه کوو.
