د کلیو بیارغونې او پرمختیا وزیر د نړیوال بانک د اقراء پروژې له استازو سره ولیدل
د کليو بیارغونې او پرمخیتا وزیر پوهنمل مجیب الرحمن کریمي د نړیوال بانک د اقراء پروژې له استازو سره، په هېواد کې د ۶۰۰۰ ښوونځيو لپاره دوانیو د جوړولو چارو د ښې همغږۍ او بودیجې د پیدا کولو په پار ولیدل.
د کلیو بیارغونې او پرمخیتا وزیر د نړیوال بانک له مرستو مننه وکړه او زیاته یې کړه چې د ۶۰۰۰ ښوونځيو د ودانیو له ډلې په لومړي پړاو کې په ۱۷ ولایتونو کې د ۲۶۴۷ ښوونځيو ودانۍ جوړیږي، چې اوس یې د ۱۴۰۰ ښوونځيو ودانیو جوړولو چارې روانې دي.
د کليو بیارغونې او پرمختیا وزیر د نړیوال بانک له استازو وغوښتل، چې د دويم پړاو ښوونځيو ودانیو جوړولو لپاره د بودیجې پیدا کولو په برخه کې مرسته وکړي.
د نړیوال بانک استازو د کليو بیارغونې او پرمخیتا وزارت له ښې همکاري او مدیریت مننه وکړه او ژمنه وکړه، چې پاتې ښوونځيو د بودیجې پیدا کولو په برخه کې به لا ډېره همکاري کوي.
