د کلیوالي اقتصاد د پياوړتیا ملي پروګرام لهخوا په ولایتي کچه د ماسټر ټرينرانو روزنه پیل شوه
ـ وږ د کلیو بیارغونې او پراختیا وزارت دکلیوالي اقتصاد د پیاوړتیا ملي پروګرام د روزنې د څانګې لهخوا په ولایتيکچه د ماسټر ټرینرانو روزنه پیل شوه. په دې روزنهکې چې د زون په کچه د پروګرام او د ولایت په کچه له پروګرام سره د همکارو موسسوو ماسټر ټرېنرانو ګډون کړی، د سپماګروپونو، د پور او سپما د کلیوالي اتحادیو د وړتیاو لوړولو، کتابدارۍ، د غونډو جوړولو، په اتحادیې او ګروپ کې د کلیدي غړو د مسوولیتونو، له ګروپونو څخه اتحادیو ته د پانګې د لېږد، په یادو بنسټونو کې د پورونو د راکړې ورکړې او د اسلامي بانکدارۍ په اړه بشپړ روزنې ترلاسه کړي، چې د هېواد په ټولو ولایتونو کې یې د کلي په کچه د پروګرام ګټه اخیستونکیو ته وړاندې کړي. د یادونې وړ ده، چې دا روزنه د وږي د میاشتې په لومړۍ نېټه پیل او د همدې میاشتې تر ۶ نېټې به د پروګرام په مرکزي دفتر کې روانه وي.
