د کلیوالي اقتصاد د پياوړتیا ملي پروګرام سیمهییزو کارکوونکیو ته د معلوماتي مدیریت د سیستم MIS په اړه روزنه پيل شوه
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام مرکزي دفتر MIS څانګې د پروګرام تر پوښښ لاندې سیمو او له پروګرام سره د همکارو موسسو سیمه ییزو کارکوونکو ته، چې شمېر یې ۴۲ تنو ته رسیده د معلوماتي مدیریت د سیستم MIS په اړه څلور ورځنۍ روزنه پیل شوه.
په دې روزنه کې به د افغانستان د کلیوالي صنعتونو د پرمختیا ملي پروګرام AREDP پر مهال د جوړ شوي MIS سیستم له ادغام سربېره د کلیوالي اقتصاد د پیاوړتیا ملي پروګرام له نوي MIS سره ادغام شویدی. د پروګرام د ټولو څانګو د لاسته راوړنو په اړه د معلوماتو د را ټولولو، کیفیت، تایید او کرهتوب او د MIS په نوي سیستم کې یې د پورته کولو په برخو کې روزنه ورکول کیږي.
د یادونې وړ ده، چې د کلیوالي اقتصاد د پياوړتیا ملي پروګرام د معلوماتي مدیریت د سیستم د څانګې له خوا دا روزنه په چهلستون بڼ کې د روان کال د لړم د میاشتې په ۵ نېټه پیل او تر ۸ مې نېټې به دوام ومومي.
