د تړون ورکولو د پریکړې خبرتیا

په دې توګه د ملي تدارکاتو د ۱۵/۱۲/۱۴۴۷ نیټې د ۲۰۰۷۲ شمیره خبرتیا په تعقیب ټولو ته خبر ورکول کیږي چې د کلیو د بیارغونې او پراختیا وزارت په پام کې لري ترڅو د کندز ولایت د چهاردرې ولسوالۍ په عمرخیلو او عبدالغفور کليو کې د (۰،۱۲۷) کیلو متره جغلي اتصالي سړک په شمول د (۶۰) متره ګاډري اوسپنیز کانکریټي پُل او (۶۰) متره اوسپنیز کانکریټي استنادي دیوال د جوړولو تړون چې MRRD/1405/NCB/W-390 تشخیصیه نمبر لرونکی دی ،  د D-05-196  نمبر جواز لرونکی د   کندز شمال ساختماني او سړک جوړولو شرکت ته په ټولیز ډول ۲۲،۸۹۴،۵۸۰ ( دوه ویشت میلیون اته سوه څلور نوي زره پنځه سوه اتیا افغانۍ) اعطا کړي.

 هغه حقیقي او حکمي اشخاص چې په یاده برخه کې هر ډول اعتراض لري، کولای شي خپل اعتراض له دلایلو سره په لیکلې بڼه د دې اعلان له خپریدو څخه تر (۵) کاري ورځو پورې نیله باغ سړک، دارالامان، د کلیو د بیارغونې او پراختیا وزارت، د تدارکاتو ریاست ته وړاندې کړي.

دا خبرتیا د تړون لاسلیک کولو په مانا نه ده او د پورته یادې شوې نیټې او د وروستي قانوني طی مراحل تر بشپړیدو به تړون لاسلیک نشي.