د بامیانو ولایت په مرکز کې د کانال جوړولو پروژې د کار له جریان څخه نظارت

د بامیانو ولایت د کلیو د بیارغونې او پراختیا ریاست تخنیکي ټیم د یاد ولایت د مرکز اړوند په بام سرای کلي کې د کانال جوړولو پروژې د کار له جریان څخه نظارت ترسره کړ.

دغه پروژه د کلیو د بیارغونې او پراختیا ریاست تر چتر او نظارت لاندې، د UNICIR مؤسسې په مالي ملاتړ او د وستا (وطن) مؤسسې له خوا د 96000 امریکايي ډالرو په لګښت سره پلې کیږي چې له یادې پروژې څخه 850 کورنۍ برخمنې کیږي. یاده پروژه چې 900 متره اوږدوالی لري، سلګونه جریبه کرنیزه ځمکه او سلګونه مثمر او غیر مثمر ونې خړوبوي او د کار په جریان کې يې هره ورځ د سیمې (50) تنه اوسیدونکي په کار بوخت دي.