د پروان ولایت په سیدخیل ولسوالۍ کې د خوراکي توکو د ویش او د اوبو رسولو شبکې څخه نظارت
د پروان ولایت د کلیو د بیارغونې او پراختیا رئیس ملا عبد الصمد صادق د یاد ولایت د سیدخیل ولسوالۍ په چینکي کلي کې د اوبو رسولو شبکې د کار له جریان څخه او په نوموړي ولسوالۍ کې د خوراکي توکو د ویش له جریان څخه نظارت ترسره کړ. دغه شبکه د یونیسف ادارې په مالي مرسته د ۴۳۷۸۲۹۶ افغانۍ په لګښت جوړیږي چې د ۱۰۰ متر په عمق سره د یوه څاه کیندل، د مبرزونو جوړول، د اوبو د پایپونو سیسټم او ۲۰ متر مکعب ارتفاعي ذخیره، د ۲۰۹۷ متر په اوږدوالي سره د ۷۱ شیردهنونو نښلول شامل دي چې چارې يې ۸۰ سلنه پرمختګ کړی او په نږدې راتلونکې کې به ګټې اخیستنې ته وسپارل شي.
