په نورستان ولایت کې دسړک جوړونې د کارونو له جریان څخه نظارت
د نورستان ولایت د کليو د بيارغونې او پراختيا رئيس مولوي احسان الله د یاد ولایت د واما ولسوالۍ اړوند ارچڼو کلي د سړک د ترميم له کار څخه نظارت وکړ. د نورستان ولایت د کلیو د بيارغونې او پراختیا رئيس په وينا: ياد سړک د لس کيلو متره په اوږدوالي سره د نړیوال خوراکي پروګرام په مالي ملاتړ او د کليو د بيارغونې او پراختيا رياست په همغږۍ جوړيږي چې په جوړيدو سره به يې د ولس هغه ستونزې حل شي چې د سفر په مهال ورسره لاس او ګريوان وو. د نوموړي کلي اوسیدونکو د ياد سړک د ترميم نه خوښې وښوده او د کليو د بيارغونې او پراختيا رياست څخه يې مننه وکړه چې د ولس ستونزو ته په وخت رسېدنه کوي.
