په کابل کې د ۲.۸ میلیونه افغانیو په ارزښت د اوبو لګولو د یوه کانال د جوړولو چارې روانې دي
د کلیو بیارغونې او پراختیا وزارت د ولسي تړون ملي پروګرام تر سیوري لاندې د کوچیانو پروکرام له لوري د کابل ولایت د موسهي ولسوالۍ اړوند د چمن آباد ایلبند کلي پراختيايي شورا لخوا د ۲.۸ میلیونه افغانیو په ارزښت د ۳۵۰ مترو په اوږدوالي د يوه کرنیز کانال د جوړولو چارې روانې دي. چې د ځايي خلکو۲۱۵ جرېبه کرنيزه ځمکه به خړوبه کړي.
ددې پروژې په ترڅ کې به تخنیکي او نا تخنیکي کاریګرو ته ۱۷۰۵ کاري ورځې رامنځته شي او۲۶۴ کورنۍ به ترې ګټه اخلي.
