په ننګرهار کې ۳۰۴۶ کورنیو ته د څښاک پاکې اوبه برابریږي
د ننګرهار کلیو بیارغونې او پراختیا ریاست ترچترلاندې د سویډن کمیټې په مالي مرسته د ګوشتې سرحدي ولسوالۍ لرې پرتو سیمو کې به د ۱۷.۶ میلیونه افغانیو په ارزښت د سولري سیستم ۱۴ د اوبو زیرمې جوړې شي چې ۳۰۴۶ کورنیو ته به د څښاک پاکې اوبه برابرې کړي.
دا زیرمې د ګوشتې ولسوالۍ د کروندې، سرکي کاڼي، ماماخیل، مکتب اول ، صوفي بابا، تورکاڼي، لعل شوړه، څاګۍ، ګړو، تور راغه ، کوزه زیړۍ. بره زیړۍ،هوکړي او زیارت ډاګ کلیو کې جوړیږي چې په راتلونکو درې میاشتو کې به یی چارې بشپړې شي.
ددې سیمې اوسیدونکو تردې وړاندې پاکو او روغتیایي اوبو ته لاس رسی نه درلود او د لرې پرتو سیمو څخه به یې د څارویو او ماشومانو په وسیله د څښاک لپاره اوبه راوړلې خو ددې ذخیرو په جوړیدو سره به خپلو کورنو ته نږدې پاکو او روغتیایي اوبو ته لاس رسی پیداکړي.
