په خوست ولایت کې د سپما ګروپونو ۵۳۹ تنو ته د پروګرام اړوند معلوماتي روزنه ورکړل شوه
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام له لوري د خوست ولایت مرکز او مندزوي اسمعیلخېل ولسوالۍ د ۵۵ سپما ګروپونو ۵۳۹ تنو ته د پروګرام اړوند معلوماتي روزنه ورکړل شوه.
دې روزنې دوه ورځ دوام درلود، چې پهکې په سپما ګروپونو کې غړیتوب اخیستلو، د پروګرام اهداف او موخې او د کورنیو پر اقتصادي وضعیت د پسانداز اغېز تشریح شول.
د سپما ګروپونو غړیو د یادو روزنو څخه خوښي وښوده او د مالي پوهې د ډېرېدو لپاره يې دا ډول روزنې مهمې وګڼلې او د دوام غوښتونکي يې شول.
