په هیواد کې د ۵ ښوونځیو د جوړیدو چارې تیره اونۍ بشپړې شوې او د نورو ۶ ښوونځیو کار مخ په بشپړیدو دی
د کلیو بیارغونې او پراختیا وزارت د ولسي تړون پروګرام او سیمه یزو پروګرامونو د همغږۍ د دفترد اقرا پروژې تر سیوري لاندې د کندوزولایت په علي اباد، کندهار ولایت په سپین بولدک، بادغیس ولایت په قادس او ننګرهار ولایت په کوټ ولسوالیو کې د ۵ ښوونځیو د جوړیدو چارې پای ته ورسیدې، او د ۶ نورو هغو د جوړیدو کار د بلخ ولایت په چهار بولک، د کندهار ولایت په ارغنداب، د ننګرهار ولایت په چپرهار او کامې،نورستان ولایت په واما او فاریاب ولایت په خانچهار باغ ولسوالیو کې مخ په بشپړیدو دی او ژر به ګټې اخستنې ته وسپارل شي.
دا ښوونځي ۱۰، ۸، ۶ یا ۴ ټولګي، تشنابونه او د څښاک د اوبو څاه ګانې لري او د جوړیدو په ترڅ کې یې تخنیکي او غیر تخنیکي کار کوونکو ته ۳۴ زره کاري ورځې برابرې شوي دي.
د یادولو وړده چې جوړو شویو ښوونځیو ۵۷۰۳ تنه زده کوونکو ته د زده کړو وړ چاپیریال رامنځته کړی دی او د جوړیدونکو ښوونځیو پر بشپړتیا به ۱۸۰۰ تنه زده کوونکي د زده کړې وړ چاپیریال تر لاسه کړي.
