کرونا وایروس د خپرېدا د مخنیوي پر وړاندې یواځنۍ لار د عامه پوهاوي لوړول دي
د ننګرهار ولایت د سره رود ولسوالۍ له هغو شپږو ولسوالیو څخه ده، چې د کلیو بیارغونې او پراختیا وزارت د کلیوالي اقتصاد د پياوړتیا پروګرام پکې فعالیت لري. په دې ولسوالۍ کې د څلورو ګروپونو ۳۳ غړو د پروګرام له اړخه د کرونا وایروس په اړه له وړاندې شویو سپارښتنو څخه ګټه پورته کړې او په دې اړوند یې له پروګرام څخه د خوښیو څرګندونه وکړه.
د پروګرام کارکوونکي د خپلو ورځنیو کاري مسووولیتونو ترڅنګ، په مکرر ډول د لاسونو د وینځلو او له عفوني ضد موادو څخه د لوښو او د کور د وسایلو د پاک ساتنې په موخه د سپماګروپونو غړو ته سپارښتنې کوي.
په عمومي ځایونو کې د ماسک اغوستل، د داسې میوو کارول چې ویټامین C لرونکي دي، هغو خلکو ته له نږدې کېدو ډډه کول چې والګی او یا ټوخی لري، په مناسبه اندازه کې د خلکو ترمنځه واټن په پام کې نیول، د ګڼې ګوڼې ځایونو ته نه ورتګ او تر ډېره بریده په کور پاتې کېدل د خوندې ساتنې په برخه کې هغه سپارښتنې دي چې د کلیوالي اقتصاد د پیاوړتیا پروګرام د سیمه ییزو کارکوونکو لهخوا کلیوالو ته په ننګرهار ولایت کې وړاندې کیږي.
