په میدان وردګو کې د څه باندې ۳ میلیونه افغانیو په لګښت ٧ کیلومتره سړک ګټې اخیستنې ته وسپارل شو
د کلیوبیارغونې او پراختیا وزارت د کلیوالي لار جوړولو پروګرام له لوري، د میدان وردګو ولایت، نرخ ولسوالۍ له سره پله بیا تر تیتمور سیمې پورې د اووه کیلومترو په اوږدوالي یوه سړک باندې د کریړ اچونې چارې بشپړې او د دې ریاست د تخنیکي ټیم تر څارنې او لیدنې وروسته ګټې اخیستنې ته وسپارل شو.
د یاد سړک پر جوړولو درې میلیونه، یو لک، ١٠٠ افغانۍ لګښت شوی، چې د کلیو دبیارغونې او پراختیا وزارت په غوښتنه د مالیې وزارت له لوري ورکړل شوی دی، چې لس سلنه ونډه د سیمې پرمختیایي شورا هم پکې اخیستې ده.
د یادولو وړ ده چې په دې سړک سره د سیمه ییزو خلکو تراسپورتي ستونزې تر ډیرې کچې هوارې شوې.
