د کلیو د بیارغونې او پراختیا وزارت محترم وزیر د فراه ولایت له والي سره وکتل
د کلیو د بیارغونې او پراختیا وزارت محترم وزیر الحاج ملا عبداللطیف منصور صاحب نن په خپل کاري دفتر کې د فراه ولایت له والي الحاج ملا محمد حافظ مجاهد سره لیدنه وکړه.
د لیدنې په پيل کې د فراه ولایت والي په یاد ولایت کې د پراختیايي پروژو په اړه محترم وزیر صاحب ته معلومات ورکړل او وویل: موږ ډېر خوشحاله يو چې د کلیو د بیارغونې او پراختیا وزارت تل زموږ ولس ته پاملرنه او ستونزو ته يې پروخت رسېدنه کړې ده، خپلې شته ستونزې محترم وزیر صاحب سره شریکې کړې او په دغه ولایت کې د لازیاتو پراختیايي پروژو د پلې کولو غوښتنه وکړه.
ورپسې محترم وزیر صاحب د فراه ولایت والي ته د ښه راغلاست ترڅنګ وویل: د کلیو د بیارغونې او پراختیا وزارت د هېواد ټولو ولایتونو ته په ځانګړې توګه محرومو او له اسانتیاوو څخه لرې سیمو ته ځانګړې پاملرنه لري، زمونږ وزارت به د خپل شته امکاناتو سره سم په فراه ولایت کې لا زیاتې پراختیايي پروژې پلې کړي.
