په کندز ولایت کې څه باندې څلور ميليونه افغانیو ارزښت د سړک رغونې کار پیل شو
د کلیو د بیا رغونې او پراختیا وزارت د ولسي تړون ملي پروګرام د څارنې، ساتنې او ودانۍ له پاره د پراختیایي نغدي وجهي پروګرام (MCCG) له لوري د څلور ميليونه افغانیو په لګښت د ۷ کیلو مترو په اوږدوالي پرسړک باندې د شګې اچولو کار د کندز ولایت مرکز اړوند د خزاني په کلي کې پیل شو. د نوموړې پروژې په کاري بهیر کې به ۱۷۱ تنو غیر ماهر کاریګرو ته د کار زمینه برابره شي او د پروژو د کار د بشپړیدو وروسته به ۹۲۰ کورنۍ ترې ګټه اخلي.
