په کندزکې څه باندې ۲ میلیونه او ۳۰۰ زره افغانیوپه لګښت د دریو پراختیایي پروژو کارونو روان دي
د کلیو د بیا رغونې او پراختیا وزارت د ولسي تړون ملي پروګرام له لوري څه باندې د ۲ میلیونه او ۳۰۰ زره افغانیو په لګښت د دریو پراختیایي پروژو کارونه د کندوز ولایت د علي آباد ولسوالۍ اړوند د دحاجي سید احمد او میرشیخ سبزعلي په کلیو کې روان دي. دیادو دریو پروژو له جملې څخه د حاجي سیداحمد پراختیایي شورا ته د ۱۲۰ متره په اوږدوالي د اوبو لګولو کانال او د میرشیخ سبزعلي پراختیایي شورا ته دوه حقابې او یو ترناب جوړیږي چې تراوسه یې ۷۵ سلنه کار بشپړ شوي او پاتې نور به یې په نږدې راتلونکې کې سرته ورسیږي. د یادولو وړ ده چې په دغه پروژه کې به ۳۰۴ ماهرو او ۱۴۴۲ غیر ماهرو کاریګرو ته ۱۷۴۶ کاري ورځې رامنځ ته شي او هم به ۳۰۴ کورنۍ په مستقیم ډول ترې ګټه اخلي.
