په ننګرهار ولایت کې د ۱۷ میلیونه افغانیو په ارزښت د ۴ پرمختیايي پروژو تړونونه لاسلیک شول
د ننګرهار ولایت په دور بابا، سره رود او اچین ولسوالیو کې د یاد ولایت د کلیو بیا رغونې او پراختیا ریاست له اړوندو پرمختیايي شوراګانو سره د ۱۷ میلیونه افغانیو په ارزښت د ۴ پرمختیايي پروژو تړونونه لاسلیک کړل. ۴۶۰ متره کانال او د اوبه خور سربند، د ۵ کیلو مترو په اوږدوالي د اوبو رسونې د یوې شبکې ترمیم او یوه بله پرمختیايي پروژه له دې پروژو دي چې په پلي کیدو سره به سلګونه وګړي د څښاک پاکو او صحي اوبو ته لاس رسی پیدا کړي او لسګونه جریبه کرنیزه ځمکه به په اوبو خړوبه شي.
