د خوست په ولايت کې د ۱۴ ميليونه افغانيو په لګښت د کرنيزو ځمکو د اوبو کولو کارېز چارې بشپړې شوې
د کليو د بيا رغونې او پرمختيا وزارت سيمه ييزو پروګرام د څه باندې 14 ميليون افغانيو په ارزښت د اوبو رسولو د کاريز چارې د خوست د صبري يعقوبي ولسوالي په زمبر کلي کې بشپړې کړې.
دغه کاريز چې له ملي بوديجې تمويل شوي په يوه ثانيه کې د ۱۹۰ ليتره اوبو د ورکړې ظرفيت لري چې د سيمې ۱۳۰۰ جريبه زراعتي ځمکه به د اوبو لګولو تر منظم پوښښ لاندې راولي.
د يادونې وړ ده چې د دغه کاريز د رغولو پر مهال ۷۱۳۷ کاري ورځې رامنځته شوي او د سيمې ۱۴۰۰۰ اوسيدونکي به ترې ګټه پورته کړي.
