په ننګرهار کې د ۱.۴ میلیونه افغانیو په ارزښت د ۳۳۰ متره اوږد کرنيز کانال د جوړېدو چارې روانې دي
د کلیو بیارغونې او پراختیا وزارت د ولسي تړون ملي پروګرام له لوري د ۱.۴ میلیونه افغانیو په ارزښت د ننګرهار ولایت د چپرهار ولسوالۍ اړوند د اخندزادګانو کلي کليوالي پراختيايي شورا لپاره د يوه زراعتي کانال، چې ۳۳۰متره اوږدوالی لري د جوړېدو چارې روانې دي، چې په جوړېدو سره يې د ځايي خلکو۲۷۰ جريبه کرنيزه زمکه د اوبو لګونې له معياري سیسټم څخه برخمنه شوه.
له دې کانال څخه ۲۵۹ کورنۍ ګټه اخلي، د ماهرو او غیر ماهرو کارکوونکيو لپاره يې ۷۵۹ کاري ورځې هم رامنځته کړي.
