د کلیو د بیارغونې او پراختیا وزارت محترم وزیر د پکتیا ولایت د ډنډ پټان ولسوالۍ له قومي مشرانو او مخورو سره وکتل
د کلیو د بیارغونې او پراختیا وزارت محترم وزیر الحاج ملا عبداللطیف منصور صاحب نن په خپل کاري دفتر کې د پکتیا ولایت د ډنډ پټان ولسوالۍ له قومي مشرانو او مخورو سره لیدنه وکړه.
د لیدنې په پيل کې د ډنډ پټان ولسوالۍ قومي مشرانو خپلې شته ستونزې محترم وزیر صاحب سره شریکې کړې او وویل: په تېر وخت کې زموږ ولسوالۍ ته هیڅ پاملرنه ترسره شوې نه ده او زموږ ولس د استنادي دیوالونو او اوبو رسولو شبکو نشتون سره لاس او ګریوان دي او په دې برخه کې ستاسو همکاري غواړو.
ورپسې د کلیو د بیارغونې او پراختیا وزارت محترم وزیر الحاج ملا عبداللطیف منصور صاحب د میلمنو ته د ښه راغلاست ترڅنګ وویل: موږ د ولس په خدمت کې یو، ځکه چې ولس تل زموږ ملاتړ کړی او زه تاسو ته پوره ډاډ درکوم چې د کلیو د بیارغونې او پراختیا وزارت به د خپل شته امکاناتو سره سم ستاسو ستونزو ته رسېدنه وکړي.
