په پروان ولایت کې (۱۸۳) بیلابیلې پراختیايي پروژوې ګټې اخیستنې ته وسپارل شوې
د کلیو د بیارغونې او پراختیا وزارت له لوري د پروان ولایت په شینواري او سالنګ ولسوالیو کې د څه باندې (۲۷۰) میلیونه افغانیو په لګښت د (۱۸۳) پراختیايي پروژې د یوې غونډې په ترڅ کې د دغه وزارت د محترم وزیر الحاج ملا عبدالطیف منصور صاحب له خوا ګټې اخیستنې ته وسپارل شوې.
د یادو پروژو د ګتې اخستنې په پار جوړه شوې غونډه کې د کلیو د بیا رغوني او پراختیا وزارت محترم وزیر الحاج ملا عبدالطیف منصور صاحب، د شينواري او سالنګ ولسوالیو ولسوالانو ،علمأء کرامو ، سپين ږيرو، قومې مشرانو او ځوانانو ګډون کړې وو.
په دغې غونډه کې د ياد وزارت محترم وزیر الحاج ملا عبدالطیف منصور صاحب ارزښتناکه وینا وکړه او وویل: زموږ او ستاسو دنده ده چې له اسلامې نظام څخه ساتنه وکړو او د اسلامي نظام تقاضا دا ده چې په ټول هېواد کې عدالت وي، په کوم هېواد کې چې عدالت وي ستونزې نه رامنځته کیږي.
همداراز محترم وزیر صاحب زیاته کړه چې د کلیو د بیارغونې او پراختیا وزارت خپلو ژمنو سره سم په دې توانیدلی ترڅو د هېواد په لرو پرتو سیمو کې د خلکو د غوښتنو سره سم بیلابیلې پراختیايي پروژې پلي او عملي کړي.
په دغو پروژو کې استنادي دېوالونه، کانالونه، سړکونه او د پياده رونو جوړول شامل دي.
د یادو پروژو د کار په جریان کې سلګونه تنه کاریګرو ته د کار زمینه برابره شوې وه او په بشپړیدو سره يې د نوموړیو ولسوالیو د اوسیدونکو شته ستونزې هوارې شوې.
