د کليو د بيارغونې او پراختيا وزارت سرپرست وزير ننګرهار ولایت ته سفر وکړ
د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده ننګرهار ولایت ته د خپل کاري سفر په ترڅ کې د ياد ولايت د کليو د بيارغونې او پراختيا ریاست له رئیس مولوي قسمت الله مبارز او کارکوونکو سره وکتل او دوی ته يې لازم هدايات او سپارښتنې وکړې .
محترم وزیر صاحب په خپلو خبرو کې سپارښتنه وکړه چې د پراختیا او بیارغونې برخه کې دې د خپلو ولسونو اړوندو غوښتنو ته رسیدنه وکړي او د ریاست دروازې دې خلاصې وساتي .
همداراز محترم وزير صاحب زياته کړه دا ولسونه د څلور لسیزو راپدیخوا کړیدلي او زوریدلي دي چې د کړاوونو څخه راوتل یې د الله ﷻ ستر نعمت وګڼئ او شکر یې ادا کړئ .
وزیر صاحب په خپلو خبرو کې وویل چې دا هیواد او ولسونه زیات کار او خدمت ته اړتیا لري نو باید تل خپلې وظیفې ته په خپل وخت راشئ او سپارل شوي کارونه په ایماندارۍ، اخلاص او اسلامي ارزښتونو په نظر کې نیولو سره ترسره کړئ.
