په سرپل کې د ۴.۸ میلیونه افغانیو په ارزښت د اوبو رسولو د یوې شبکې کار روان دی
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د سرپل ولایت د بلخاب ولسوالۍ په ګنده جه، مرغوچ، سروس او قفزرک کلیو کې د ۴.۸ میلیونه افغانیو په ارزښت د اوبو رسولو د یوې شبکې کار ۴۰ سلنه پرمخ تللی.
دا شبکه ۱۴ کیلو متره اوږدوالی، د ۱۰ متر مکعبه په کچه ۳ زیرمې، ۳ چینې ، ۵ فشار ماتونکي، ۶ عمومي نلکې، ۶۵ د اوبو اخستلو نلکې او د هغې چینې جوړښت چې په ثانیه کې ۲.۲ لیټره اوبه ورکوي لري. ددې پروژې په بشپړتیا سره به ۹۹۳ کورنۍ د څښاک پاکو او صحي اوبو ته لاسرسی پیدا کړي.
