په میدان وردګ کې د ١.٣ میلیونو افغانیو په ارزښت د اوبو یو کانال بشپړ شو
د کلیو بیارغونې او پراختیا وزارت د ولسي تړون ملي پروګرام له لوري د میدان وردګ ولایت د جلریز ولسوالۍ په درې مسجد سیمه کې د ١.٣ میلیونو افغانیو په ارزښت د کرنیزو ځمکو خړوبولو په موخه د ٨٠ مترو په اوږد والي یو کانال او درې کوچني سربندونه جوړ او ګټې اخیستنې ته وسپارل شول.
د یادې پروژې پر مهال تخنیکي اوناتخنیکي کارکوونکو ته ١٠٦٦ کاري ورځې رامنځته شوي دي.
د یادونې وړ ده، چې له دې پروژې به په راتلونکې کې ٤٠٠ جریبه کرنیزه ځمکه په منظم ډول خړوبه شي، او د سیمې د اوسیدونکو په کرنیزو محصولاتو کې به پام وړ مثبت بدلون راولي.
