په ننګرهار کې د ۲ میلیونه افغانیو په لګښت د یوه کرنیز کانال د جوړولو کار بشپړ شو
د کلیو بیارغونې او پراختیا وزارت د ولسي تړون ملي پروګرام د څارنې، ساتنې او ودانۍ له پاره د پراختیایي نغدي وجهې پروګرام (MCCG) برنامې له لوري د خوږياڼو ولسوالۍ اړوند کشمير کلي کې د څه باندې ۲ میلیونه افغانیو په لګښت ۳۱۰ متره کرنيز کانال جوړ او ګټې اخستنې ته وسپارل شو.
ددې کانال په جوړېدو سره ۲۹۰ جريبه کرنيزه ځمکه د اوبو لګونې له معياري سیستم برخمنه شوه او ۲۵۸ کورنۍ ترې ګټه اخلي. چې په ترڅ کې يې ځایي تخنیکي او ناتخنیکي کاریګرو لپاره ۳۶۰۰ کاري ورځې هم برابرې شوې.
د څارنې، ساتنې او ودانۍ له پاره د پراختیایي نغدي وجهې پروګرام (MCCG) برنامې له لوري په بېلابېلو سکټورونو کې ۱۷۷ پروژې منظور شوي، چې په ترڅ کې يې ځايي تخنیکي او ناتخنیکي کاریګرو لپاره ۷۶۳۸۷۴ کاري ورځې رامنځته شوي، ۴۱ میلیونه او ۲۳۳ زره افغانۍ لګښت پرې راځي، او د ولسي تړون ملي پروګرام له لوري ورکول کېږي.
