په لوګر کې ۲۸۰ تنه زده کوونکو ته د زده کړې مناسبه زمینه برابره شوه
د کلیو بیا رغونې او پراختیا وزارت د ولسي تړون ملي پروګرام د اقرا پروژې تر سیوري لاندې د لوګر ولایت چرخ ولسوالۍ اړوند د منګلان کلي کې د ۴.۸ میلیونه افغانیو په لګښت ۲۸۰ تنه زده کوونکي د یو ښوونځی په جوړیدو سره د زده کړې له مناسب چاپیریال څخه برخمن شول. دا ښوونځي ۶ درسي خونې، ۱ اداري خونه او ۳ تشنابونه لري.
د دې ښوونځی د جوړېدو په ترڅ کې ځايي تخنیکي او نا تخنیکي کاریګرو لپاره ۳۴۲۵ کاري ورځې رامنځته شوې وې. د يادونې وړ ده، چې د ولسي تړون ملي پروګرام د اقرا پروژې له لوري د لوګر ولایت په چرخ ولسوالۍ کې ۱۵ ښوونځيو ته د ودانیو جوړول منظور شوي، چې د يو شمېر ښوونځيو رغنیزې چارې تکميل او د پاتې نورو به په نږدې راتلونکې کې بشپړې شي.
