په ننګرهار کې د ٨٠٦ پرمختیایی پروژو چارې روانې دي
د کلیو بیارغونې او پراختیا وزارت په تیر یوه کال کې په ننګرهار کې د ۳.۵ ملیارده افغانیو په لګښت ٣٤٧ بیلابیلې پروژې تطبیق کړي او دنږدې پنځه سوه میلونه افغانیو په لګښت ٨٠٦ پروژې تر کار لاندې دي.
١٣٣٣ پروژې په پلان کې نیول شوي چې ١١٧١ د ولسي تړون ملي پروګرام او ١٦٢ د نورو اړوندو برنامو څخه دي .
په ننګرهار کې د اقراء برنامې له لوري د ٥٧ ښوونځیو لپاره ودانۍ، ٢٥ مسجدونه ، ٨٣ د اوبو رسولو شبکو چارې بشپړې او د ښوونځیو لپاره د ١٠٧ ودانیو، ٣٩ مساجدو او ١٢٩ اوبو رسولو شبکو چارې روانې دي همدا راز د استنادي دیوالونو، سړکونو، کاریزونو، سربندونو، د کلینک ودانیو او د پاکو اوبو د څاه ګانو د کیندلو پروژو هم پلې شوې دي او په ځينو نورو کار روان دی.
