د کلیو بیارغونې او پراختیا وزارت رهبرۍ د وزارت د پخوانيو همکارانو د کارونو ستاینه وکړه
د کلیو بیارغونې او پراختیا وزیر پوهندوی مجیب الرحمن کریمي، د برنامو معین پوپل حبیبي، مالي او اداري مرستیال معراج الدین شمس او د وزارت د بېلابیلو پروګرامونو رئیسانو د یاد وزارت د ځينو رئیسانو چې کاري ماموریت یې پای ته رسیدلی و ، د کارونو ستاینه وکړه.
د کلیو بیارغونې او پراختیا وزیر وویل، په ادارو کې بدلون یو اصل دی او له دې اصل څخه سمه ګټه اخېستل، مدیریتي او مسلکي چارې ښې کوي.
د کلیو بیارغونې او پراختیا وزیر زیاته کړه، چې مونږ ټول د هېواد د ابادۍ لپاره کار کوو او دې سپيڅلي کار او ملي رسالت ته به د بېلابیلو ادارو، ادرسونو او میکانیزمونو له لارې دوام ورکوو.
د دې ترڅنګ یې د خپلو پخوانیو همکارانو د کارونو ستاینه وکړه او په نویو مسوولیتونو کې یې دوی ته د بریا هیله او دعا وکړه.
