په ننګرهار کې د محافظوي دیوال د جوړولو کار روان دی
د کلیو د بیا رغونې او پرمختیا وزارت د سیمه ییز پروګرام له لوري د ننګرهار ولایت د روداتو ولسوالي په میرجي کلي کې له معیارونو سره سم د ۱۰۰ مترو په اوږدوالي پوخ محافظوي دیوال جوړیږي چې کار یې ۲۰ سلنه مخ ته تللی دی.
د یادې پروژې د تطبیق پر مهال ۱۹۸۷ کاري ورځې رامنځته کیږي او په بشپړیدو به یې د سیمې ۱۱۳۷ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به هلته نه یواځې سلګونه جریبه کرنیزه ځمکه بلکې د سیمې ګڼ شمیر کورونه هم د سیلابونو له ګواښ څخه خوندي کړل شي.
