په خوست کې د ۱۲.۹۴ کیلومتره سړک د پخولو کار بشپړ شو
د کلیو بیا رغونې او پراختیا وزارت د سیمه ییز پروګرامونو د همغږی دفتر له لوري د خوست ولایت په تڼیو ولسوالۍ د ۱۲.۹۴ کیلو مترو په اوږدوالي د سړک د پخولو کار په دوو برخو کې بشړ او ګټې اخیستنې ته به وسپارل شي.
د دغه سړک د فزیکي کار پر مهال کاريګرو ته ۲۲۲۳۱ کاري ورځې رامنځته شوې، چې د سیمې ۲۶۱۸۰ کسان به ترې ګټه پورته کړي.
د یادونې وړ ده، چې یاد سړک نه یواځې د ځايي اوسیدونکو د تګ او راتګ؛ بلکې د دوی د زراعتي توکیو د لیږد را لیږد په برخه کې به هم د پام وړ آسانتیاوې رامنځته کړي، چې له امله به یې د دوی پر اقتصادي رغیدا مثبت اغیز وشيندل شي.
