د هیواد په څلورو ولایتونو کې ۱۴ بابه ښوونځي ګټې اخیستنې ته وسپارل شول
د کلیو بیا رغونې او پرختیا وزارت د ولسي تړون ملي پرګرام د اقرا برنامې تر سیوري لاندې د میدان وردګو ولایت په نرخ ولسوالۍ کې، د لوګر ولایت په محمد اغا ولسوالۍ کې، د فاریاب ولایت په پښتون کوټ ولسوالۍ او د زابل ولایت په شهر صفا او شاجوی ولسوالیو کې ۱۴ بابه ښوونځي ګټې اخیستنې ته وسپارل شول. همداراز د نورستان ولایت په دو اب ولسوالۍ کې د یوه ښوونځي د جوړولو چارې رواني دي، چې کابو ۱۰، ۸، ۶، ۴، ټولګي، تشنابونه او د څښاک د پاکو اوبو څاه لري.
ددغې پروژې په تطبیق سره به تخنیکي او نا تخنیکي کاریګرو ته په زرګونه کاري ورځې رامنځته شي او ۲۲۰ زده کوونکو ته به د ښوونې او روزنې یو وړ چاپیریال رامنځته شي. روغول شويو ښوونځيو د ۵۰۰۰ زرو څخه زیاتو زده کوونکو ته د ښوونې او روزنې یو وړ او مناسب چاپیریال رامنځته کړی دی.
