په خوست کې د څه باندې ۲ میلیونو افغانیو په ارزښت د اوبو لګولو د کاریز د رغولو د پروژې کار روان دی
د کلیو د بیا رغونې او پرمختیا وزارت د سیمه ییز پروګرام له لوري په خوست ولایت کې د اوبو لګولو د کاریز د جوړولو د پروژې کار ۸۵ سلنه مخ ته تللی دی.
د دغې پروژې په ترڅ کې د یاد ولایت د صبریو او یعقوبيو ولسوالۍ په بهرام کلي کې د څه باندې ۲ میلیونه افغانیو په ارزښت د ۱۶۰۰ مترو په اوږدوالي کروندو ته د کاریز د اوبو رسوونکی کانال او سپرغو د رغولو او جوړولو کار روان دی.
د دغې پروژې د تطبیق پر مهال ۱۶۵۵ کاري ورځې رامنځته کیږي چې په بشپړیدو به یې ۷۷۰ ځايي اوسیدونکي له دغې پروژې ګټه پورته کړي. د یادونې وړ ده چې دغه پروژه به د سیمې ۶۰۰ جریبه کرنیزه ځمکه او یو شمیر باغونه د اوبو لګولو تر منظم پوښښ لاندې راولي.
