په تخارکې د ۲.۴ میلیونه افغانیو په ارزښت د اوبو رسولو د یوې شبکې کار پیل شو
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د تخار ولایت د مرکز تالقان په عبدالله ابن مسعود کلي کې د ۲.۴ میلیونه افغانیو په ارزښت د اوبو رسولو د یوې شبکې کار پیل شو.
یوه څاه ایستل، د اوبو د یوې زیرمې جوړول، د یو محافظتي دیوال جوړول، ۱۸ سولري ښیښې، د ۱۹۵۵ متره پایپ تمدید، او د ۵۳ نلکو لګول ددې پروژې له برخو دي.
د دې پروژې په ترڅ کې کارګرو ته سلګونه کاري ورځې رامنځ ته شوي او په بشپړتیا سره به یې ۱۱۴ کورنۍ د څښاک پاکو او صحي اوبو ته لاسرسی بیامومي.
