د هیواد په ۸ ولایتونو کې به د۱۰ ښوونځیو دجوړیدو چارې ژر بشپړې شي
د کلیو بیا رغونې او پراختیا وزارت د ولسي تړون د اقرا پروګرام تر چتر لاندې به دننګرهارولایت په دور بابا، د کابل ولایت په بګرامۍ، د خوست ولایت په ځاځي میدان،د کندز ولایت په خان اباداوامام صاحب،د نورستان ولایت په برګ مټال، دروزګان ولایت په ګیزاب، دلوګر ولایت په څرخ اوبرکي او دکندهار ولایت په پنجوایي ولسوالیو کې د۱۰ ښوونځیو دجوړیدو چارې ژر بشپړې او ګټې اخستنې ته وسپارل شي.
دا ښوونځي د ۶ یا ۸ ټولګیو تشنابونواو ځښاک داوبو دڅاه ګانو درلودونکي دي، او په بشپړیدو سره به ۲۴۱۷ تنو زده کوونکو ته دزده کړې وړ چاپیریال رامنځ ته کړي.
ددې ښوونځیو د جوړیدو په ترڅ کې زرګونه کاری ورځې رامنځته کیږي، سربیره پردې تیره اونۍ هم د کابل ولایت په کلکان ولسوالۍ کې د۲۵۰ زده کوونکو لپاره یو ښوونځی جوړ او ګټې اخستنې ته وسپارل شو.
