په ننګرهار کې د ۱.۸ میلیونه افغانیو په ارزښت د اوبو رسولو یوه شبکه بیا رغول کیږي
د ننګرهار کلیو بیارغونې او پراختیا ریاست کلیوالي سیمو ته د اوبو رسولو او روغتیا ساتنې ملي پروګرام RU-Watsip له لوري په دوربابا ولسوالۍ کې د اوبو رسولو د یوې شبکې په ترمیم سره نږدې ۳۰۰۰ کورنیو ته د څښاک پاکې اوبه برابروي.
د اوبو رسولو دغه شبکه په ۲۰۰۱ کال کې د ډآکار خیریه موسسې له لوري جوړه شوې چې د نږدې ۴۰۰۰ متره لرې فاصلې څخه یی د چینو اوبه د دوربابا ولسوالۍ یوشمیر کلیو ته رسولې خو د وخت په تیریدو سره ددې شبکې ډیرې برخې تخریب شوي چی اوس یو ځل بیا د کلیو پراختیا ریاست له لوري د مالیې وزارت له بودیجې څخه ۱.۸ میلیونه افغانیو په لګښت یې د چینې ساختمان ، دوه ذخیرې، یو د فشار ماتوونکی ساختمان او ۳۴۶۶ مترو په اوږدوالي سره د نوې پایپ اخیستل شامل دي چې ددې پروژې په تکمیلدو سره به نږدې ۳۰۰۰ کورنیو ته د څښاک پاکې اوبه برابرې شي.
