په باميانو ولایت کې د څښاک پاکو اوبو رسولو (۱۷) شبکې ګټې اخیستنې ته وسپارل شوې
د کلیو د بیارغونې او پراختیا وزارت له لوري د بامیانو ولایت په شپږو ولسوالیو کې د شاوخوا (۴۰) میلیونه افغانیو په لګښت د څښاک پاکو اوبو رسولو (۱۷) شبکو د جوړولو چارې بشپړې او د یوې غونډې په ترڅ کې د دغه وزارت د محترم وزیر الحاج ملا محمد یونس اخندزاده صاحب او مل پلاوي له خوا ګټې اخیستنې ته وسپارل شوې.
په دې غونډه کې د کلیو د بیارغونې او پراختیا وزارت محترم وزیر الحاج ملا محمد یونس اخندزاده صاحب، مل پلاوي، د بامیانو ولایت والي الحاج مولوي عبدالله سرحدي صاحب، دياد ولايت د کلیو د بیارغونې رياست رئيس مولوي وحيدالله راشد،یو شمېر نورو مسئولینو، علماء کرامو، سپین ږیرو او ځوانانو ګډون کړی وو.
د یادو شبکو په بشپړیدو سره د نوموړیو ولسوالیو (۱۲۶۰۰) تنه اوسيدونکو د څښاک پاکو اوبو ته لاسرسی پیدا کړ.
