د کلیو د بیارغونې او پراختیا وزارت کارکوونکو ته د کلیو پراختیا انسټیټیوت ریاست له خوا د عامه پوهاوي علمي سیمینار ترسره شو
د کلیو د بیارغونې او پراختیا وزارت د کارکوونکو لپاره د عامه پوهاوي یو ورځنی سیمینار نن له غرمې مخکې د دغه وزارت د مالي او اداري مرستیال الحاج مولوي عبدالرحمن حلیم، یو شمیر مرکزي رئیسانو او کارکوونکو په ګډون د کلیو پراختیا انسټیټیوټ په تالار کې ترسره شو.
د یاد سیمینار په پیل کې د کلیو د بیارغونې او پراختیا وزارت مالي او اداري مرستیال د دیني او عصري علومو د زده کړې پر اهمیت خبرې وکړې او وویل: تاسې باید د عصري علومو د زده کړې تر څنګ د دیني علومو زده کړه هم خپل ورځنی مکلفیت وګڼئ او د زده کړې لپاره یې جدي کوښښ وکړئ او همداراز هڅه وکړئ څو خپل کاري وړتیا لوړه او د علم زده کړې ته دوام ورکړئ.
دغه سیمینار د دعائيې په ویلو سره پای ته ورسېد.
