د هلمند ولایت په مرکز لښکرګاه کې د اوبو رسولو د (6) شبکو د ترمیم چارې بشپړې او ګټې اخیستنې ته وسپارل شوې
د کلیو د بیارغونې او پراختیا ریاست تر چتر او نظارت لاندې، د (CAHPO) مؤسسې په تخنیکي همکارۍ او د (UNOCHA/AHF)مؤسسې په مالي ملاتړ د هلمند ولایت په مرکز لښکرګاه کې د (3366000) افغانیو په لګښت د اوبو رسولو د (6) شبکو د ترمیم چارې بشپړې او ګټې اخیستنې ته وسپارل شوې. یادې شبکې د (181000) لیټر ظرفیت سره د مرکز لښکرګاه اړوند (1250) کورنیو، (6) محراب مسجد شریف ، (2) باب ښوونځيو او (137) باب دوکانونو ته د څښاک پاکې اوبه برابروي.
