په بغلان کې ۷۱۷ تنو ته د څښاک پاکې اوبه چمتو شوې
د کلیو بیا رغونې او پراختیا وزارت د اوبه رسولو کلیوالي حفظ الصحې ملي پروګرام له لوري د بغلان ولایت د دهنه غوري ولسوالۍ په خروطي او تپه سنګ کلیو کې د ۴.۸ میلیونه افغانیو په لګښت د اوبو رسولو د یوې شبکې په جوړولو سره ۷۱۷ تنو د څښاک پاکو اوبو ته لاسرسی وموند.
دا شبکه ۳.۸ کیلو متره اوږدوالی، یوه ژوره څاه، د اوبو یوه زیرمه، د سولري تختو د ساتلو لپاره احاطوي دیوال، شل سولري تختې او ۶۸ نلکې لري چې د جوړیدو په ترڅ کې یې ۱۲۰ کاري ورځې رامنځ ته شوې وې.
