په بدخشان کې د ۶۴۰ متره محافظتي دیوال کار پای ته نږدې شوی دی
د کلیو بیا رغونې او پراختیا وزارت د سیمه ییزو پروګرامونو همغږۍ دفتر له لوري د بدخشان د مرکز په شورابک کلي کې د ۱۳ میلیونه افغانیو په ارزښت د یوه ۶۴۰ متره محافظتي دیوال کار ۹۰ سلنه مخکې تللی دی.
د دې پروژې په ترڅ کې ۴۵۱۷ کاري ورځې رامنځ ته شوې دي او تر بشپړتیا وروسته به یې ۱۴۰۰ تنه سیمه ییز وګړي له ګټو برخمن شي.
یاده دې وي چې د دې دیوال په جوړولو سره به ۲۰۰ جریبه کرنیزه ځمکه، باغونه او د اوسیدو کورونه د سیلابونو له ګواښه خوندي شي.
