په کندهار ولایت کې د کلیوالي اقتصاد د پياوړتیا ملي پروګرام سپماګروپونو ته ۷ ورځنی ورکشاپونو پیل
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام د سویلي زون مرکز کندهار ولایت په ډنډ او دامان ولسوالیو کې د سپماګروپونو غړو ته ۷ ورځنی روزنیز ورکشاپ پیل شو.
په دې روزنیز ورکشاپ کې د ۶۴ سپماګروپونو ۴۵۹ غړو ګډون کړی وو، چې د پروګرام د موخو سربېره یې په ګروپ کې د غړیتوب، د سپما د ارزښت، مالي سرچینو ته د لاس رسۍ او په سپماګروپونو کې د پورونو د راکړې ورکړې د مدیریت په برخو کې روزنې ورکول کیږي.
د یادونې وړ ده، چې د ډنډ او دامان ولسوالیو په ۱۴ کلیوالي شوراګانو کې به د سپماګروپونو د غړو لپاره د ورکشاپونو دا لړۍ د یوې اونې لپاره روانه وي.
