په کابل، هرات، او نورستان ولایتونو کې د دریو ښوونځيو ودانۍ جوړې شوې
د کلیو بیا رغونې او پراختیا وزارت د ولسي تړون ملي پروګرام د اقرا پروژې تر سیوري لاندې د کابل ولایت د فرزې ولسوالۍ په حسن خیلوکلي کې، د نورستان ولایت د کامدیش ولسوالۍ په بالا ده پتیګل کلي کې او د هرات ولایت د کشک رباط سنګي ولسوالۍ په خواجه سبز پوش کلي کې د دریو ښوونځيو ودانۍ جوړې شوې. او د ننګرهار ولایت د کوز کونړ ولسوالۍ په تاران کلي او د چپرهار ولسوالۍ په هاشم خیلو کلي کې د دوو ښوونځيو د ودانیو کار بشپړتیا ته نږدې دی.
دا ښوونځي ۱۰، ۸، یا ۴ ټولګي، تشنابونه او د څښاک د اوبو څاه ګانې لري او په ترڅ کې یې ۱۴ زره کاري ورځې رامنځ ته شوي.
یاده دې وي چې په جوړو شویو ښوونځيو سره ۸۶۰ تنه زده کوونکو ته د ښوونې او روزنې وړ چاپیریال رامنځ ته شو او ۴۸۰ تنه زده کونکي به له جوړیدونکو ښوونځيو ګټه پورته کړي.
