په کاپیسا کې د ۳۵ میلیونه افغانیو په ارزښت د یوه پل او ۲ کیلو متره سړک د جوړیدو کار روان دی
د کلیو بیا رغونې او پراختیا وزارت د کلیوالي لار جوړولو ملي پروګرام له لوري د کاپیسا د نجراب ولسوالۍ له باغ امان سړکه د پتې درې تر متان کلي پورې د ۳۵ میلیونه افغانیو په ارزښت د یوه ۳۴ متره اوسپنیز کانکریټي پل او ۲.۰۷ کیلو متره سړک د جوړیدو کار روان دی.
دا سړک به باغ امان، وامقصار او متان کلي یو تر بله او له روغتیايي او ښوونیزو مرکزونو سره ونښلوي، او تر ډیره به د سیمې د خلکو ترانسپورتي ستونزې هوارې کړي.
