په ننګرهار کې د ۳۷،۸ میلونه افغانیو په ارزښت د یوې پروژې هوکړه لیک لاسلیک شو
د ننګرهار د کلیو بیارغونې او پراختیا رییس انجینر امان الله میاخیل او بهسودو ولسوالۍ د زنګویي سیمې د پشتون اباد پرمختیایی شورا ترمنځ د ۳۷،۸ میلونه افغانیو په ارزښت چې لس سلنه یې ولسي ونډه ده د ۱۲۸۱ مترو په اوږدوالي د یوه استنادي دیوال جوړیدو هوکړه لیک لاسلیک شو.
دغه استنادي دیوال په درې برخو کې چې لومړۍ برخه یی ۴۴۵ متره ، دویمه برخه یې ۳۷۵متره او دریمه برخه یې ۴۶۱ متره اوږدوالی لري جوړیږي چې د جوړیدو چارې به یی په یوه کال کې بشپړې شي.
ددې دیوال په جوړیدو سره په سلګونو کورونه او یوه اندازه کرنیزې ځمکې د سیلابونو له ګواښ څخه خوندي کیږي.
