په پنځو ولایتونو کې د ۷ ښوونځيو جوړولو کار پیل شو
د کلیو بیا رغونې او پراختیا وزارت د ولسي تړون پروګرام د اقرا پروژې تر سیوري لاندې په پنځو ولایتونو کې د ۷ ښوونځیو جوړولو کارونه روان دي.
دا ښوونځي چې د کابل په قره باغ، د بلخ په مارمل، د ننګرهار په چپرهار، د بادغیس په مقر او ابکمري او د زابل په شاجوی ولسوالیو کې جوړیږي، ۸،۱۲ یا شپږ ټولګي، تشنابونه او د څښاک د پاکو او صحي اوبو څاګاني به ولري. ددې پروژو په ترڅ کې زرګونه کاري ورځې رامنځ ته شوي چې په بشپړتیا سره به یې د څه باندې ۲۳۰۰ کورنیو زده کونکو ته د ښوونې او روزنې وړ چاپیریال رامنځ ته شي.
