په ننګرهار کې د څه د پاسه ۳۷ میلونه افغانیو په ارزښت د یوې پروژې هوکړه لیک لاسلیک شو
د ننګرهار کلیو بیا رغونې او پراختیا رییس انجینر امان الله میاخیل له لوري د بهسودو ولسوالۍ د کاریز کبیر سیمې د درې پرمختیایي شوراګانو سره د څه دپاسه ۳۷ میلونه افغانیو په ارزښت د ۳.۶ کیلومتره سرک د کانکړیټ کولوهوکړه لیک لاسلیک شو.
دغه سرک د کلیو بیا رغونې او پراختیا وزارت د کلیوالي سیمو د جوړولو ملي پروګرام NRAP له لوري ۳۷۴۳۰۰۰۰ افغانیو په لګښت د ۳،۶ کیلومتره په اوږدوالي او ۶ متره عرض سره جوړیږي چې هوکړه لیک یې د مرکزي کاریزکبیر، کاریز کبیرغونډۍ او د نغلو دولسمې ویالې له پرمختیایي شورا سره لاسلیک شو.
دغه سرک د جلال اباد تورخم د لوې لارې څخه پیل او د ننګرهار کانال پورې رسیږي چې نږدې ۱۶۰۰۰ کورنۍ به ورڅخه د ترانسپورتي اسانتیاوو لپاره ګټه اخلي.
